“PEMILU DITUNDA” & “MINYAK GORENG”

 

CEPOT VS KABAYAN

 

“PEMILU DITUNDA” & “MINYAK GORENG”

 

CEPOT : kabayan, maneh apal pemilu 2024 teh ditunda jadi 2027 ?

 

KABAYAN : apal atuh kuring mah, naon nu teu apal atuh

 

CEPOT : apal ti saha maneh ?

 

KABAYAN : ti maneh, bieu

 

CEPOT : euh, sugan teh bener apal … ih serius urang mah

 

KABAYAN : nya serius kuring oge, serius kuring mah kieu hehe

 

CEPOT : lain eta pamarentah jiga nu kapake wae make rek dipanjangan nepi 2027

 

KABAYAN : lain kapake, can wareg si eta mah

 

CEPOT : jauh keneh oge ka 2024 geus teu kuat kuring mah, karek sabulan teu manggih minyak asa kasiksa kieu hirup teh, teu manggih gorengan, nanaon kudu dikuluban jeung dibubuyan, kabanyang jiga naon tahun 2027 teu manggih gorengan 5 tahun

 

KABAYAN : lain nu nyeri hate mah, nagara urang teh kaasup penghasil sawit panglobana sa alam dunia, ari minyak kalapa kacida hesena, asa kabina-bina

 

CEPOT : kumaha tuh ceuk maneh ?

 

KABAYAN : ceuk kuring mah, lain dipanjangan nepi 2027, ayeuna keneh we mundur lewih hade bisi tukang gorengan kaburu daremo

 

CEPOT : naha gorengan deui ?

 

KABAYAN : nya tong waka ngurus nagara, ngurus minyak goreng wae teu becus

 

CEPOT : hade oge maneh kabayan

 

KABAYAN : hade atuh kabayan ngarana oge, bakating ku hade, kuring mah apal pamimpin anu pantes keur ngaganti tahun 2024 engke

 

CEPOT : saha ?

 

KABAYAN : ieu nu ngobrol jeung maneh

 

Lembang, 03 Maret 2022